"Executive日記——美酒佳餚巡禮新增美食區 「食飽里」一次試勻國際美食"

"Kelly得閒鍾意去旺角「掃街」醫肚,自命對街頭美食瞭如指掌,我呢名「掃街專家」有重大驚喜向大家報告,就係由旅發局下周四起一連四日喺中環海濱區舉行嘅美酒佳餚巡禮,除咗有近三百個美酒攤位,今年新增一個「拍住賞」食飽里美食區,請來十間餐廳駐場,提供四川、西班牙、拉丁、韓國等菜式,俾大家一次過掃盡國際美食! Kelly昨天搶先試咗其中四間嘅菜式,味道十分出色!西班牙菜餐廳Cassio提供薄切八爪魚配煙燻薯蓉及紅椒油、迷你西班牙辣肉腸熱狗、加泰羅尼亞式肉丸等五道菜式,食到停唔到口,尤其係煙韌嘅八爪魚配上煙燻薯蓉嘅柔滑,味道同口感異常地夾!主廚Daniel Benitorafe Rivera話,呢道菜配白酒,可以增加清爽嘅口感,等小妹到時買杯白酒試吓先。   Kelly有姊妹係芝士控,西式餐廳Porterhouse嘅極濃芝士通心粉一定啱佢!呢道極濃芝士通心粉採用咗四款芝士混合而成,包括咗法國即烤芝士,到時廚師會即場烘熱芝士,喺食客面前將燒熱咗嘅芝士削入通心粉中,令食客可以有視覺同味覺嘅雙重享受。   「食飽里」仲有香港罕見嘅拉丁美洲菜餐廳Picada,會提供大蝦串、阿根廷肉腸串、豬腩肉三文治、煙燻鴨肉串等菜式,每款菜式都啖啖肉,啱晒「食肉獸」朋友。

"Kelly得閒鍾意去旺角「掃街」醫肚,自命對街頭美食瞭如指掌,我呢名「掃街專家」有重大驚喜向大家報告,就係由旅發局下周四起一連四日喺中環海濱區舉行嘅美酒佳餚巡禮,除咗有近三百個美酒攤位,今年新增一個「拍住賞」食飽里美食區,請來十間餐廳駐場,提供四川、西班牙、拉丁、韓國等菜式,俾大家一次過掃盡國際美食!

Kelly昨天搶先試咗其中四間嘅菜式,味道十分出色!西班牙菜餐廳Cassio提供薄切八爪魚配煙燻薯蓉及紅椒油、迷你西班牙辣肉腸熱狗、加泰羅尼亞式肉丸等五道菜式,食到停唔到口,尤其係煙韌嘅八爪魚配上煙燻薯蓉嘅柔滑,味道同口感異常地夾!主廚Daniel Benitorafe Rivera話,呢道菜配白酒,可以增加清爽嘅口感,等小妹到時買杯白酒試吓先。

  Kelly有姊妹係芝士控,西式餐廳Porterhouse嘅極濃芝士通心粉一定啱佢!呢道極濃芝士通心粉採用咗四款芝士混合而成,包括咗法國即烤芝士,到時廚師會即場烘熱芝士,喺食客面前將燒熱咗嘅芝士削入通心粉中,令食客可以有視覺同味覺嘅雙重享受。

  「食飽里」仲有香港罕見嘅拉丁美洲菜餐廳Picada,會提供大蝦串、阿根廷肉腸串、豬腩肉三文治、煙燻鴨肉串等菜式,每款菜式都啖啖肉,啱晒「食肉獸」朋友。

Comment